ايش الحل اخذت قرض ولا اقدر اطلع من السوق ايش الحل
ايش الحل اخذت قرض ولا اقدر اطلع من السوق ايش الحل
الله يعوض عليك ي ابو جسيم ، سوق نازل طالع ، اللي تجمعه في شهر ياخذه في ساعه والحمد لله على كل حال
الحل الصبر اذا سهمك جيد وماخذه في قاع مثلا
اخي العزيز ابو جاسم هذا الخطأ الفادح للاستثمار في سوق الاسهم بقرض من البنك في سوق الاسهم معروف بأنه عالي المخاطر لكن الآن حصل اللي حصل فما عليك الآن هو الصبر فنحن في القيعان لأغلب الاسهم في السوق السعودي وحسب التحليل الزمني الذي سمعته من استاذ متخصص بأن هذا الشهر السادس ل ٢٠٢٢ سيكون شهر تذبذب لكن الاخبار السلبية زاد في النزول من الارتفاع وعموما بإذن الله فالاسبوع الاخير من هذا الشهر سينعكس في الايجابية ومن منتصف شهر سبعة ٢٠٢٢ ستكون بإذن الله ارتفاعات سيستفيد منها الجميع او أغلبهم ( انتهى كلامه ) والمهم الآن هي الاسهم التي اخترتها هل هي من اسهم الخشاش او الاسهم الممتازة ذات العوائد المالية المجدية والمجزية فإن كانت ذات عوائد وأرباح فاصبر عليها وبإذن الله ستنعكس إيجابًا في زمن ليس بالبعيد وللعلم كلنا تعلقنا لكن على الأقل من حر مالنا وهذا سيعيننا على الصبر حتى ترجع الاسعار المرجوة والصبر طيب
انا خسرانة دخلت قبل فتره 50 الف والان36 الف
الله يكتب الا فيه الخير
نصحة أخ محب
أبتعد عن الشراء العشوائي أو مطارة الأسهم .. لابد يكون عندك استرتيجية معينة لـ الشراء أو البيع
الفرص تتكرر دائماً .. فقط اختر سهمك بـ عناية وتوكل على الله
والله يعوض الجميع خير
" منتدى الأسهم السعودية "
الله يجزاكم بالخير مالنا اله التوكل على الله والصبر لين الله يفرجها
الله يعوضكم جميع اتوقع هالفتره ماحد عارف للسوق يوم ارتداد يوم نزيف
فيه مشرفه هنا سيولتها مليونين من خساره الى خساره و وصلت سيولتها الفين ريالين فقط
ومن خسرت اختفت من الوجود اذا الله اراد ورجعت بنصحها بمشروع يناسب الحريم
أخى الكريم بوجسوم لا تقلق و اصبر و لا تبع بخسارة سوف تعود اسهمكم وعليها أرباح وهذه عوايدك السوق طلع نزول طلوع ، الحمدلله اقتصادنا قوى والأوضاع طيبة بإذن الله ولكم جزيل الشكر ،،
قدر الله وماشاء فعل وربي يعوضك
ونصيحتي لك وللجميع انتبه تاخذ قرض من اجل الاسهم يعلم الله انا بالسوق من 2004 ودخلت بمبلغ بسيط من بيع الاكتتابات يوم كانت توكل عيش
وحصلنا خير ولله الحمد
وجاء انهيار 2006 مابعت ولا سهم وصرت اعدل من راتبي وبعد سنوات رتبت محفظتي
الاسهم تبي لها صبر وعدم الدخول العشوائي مثل ماقال اخونا ابو فيصل
الله يرزق الجميع الرزق الحلال
ما قصرتم حبايبي الغالين ... وموفقين
السوق مدروس بعناية وتم استقطاب صغار المستثمرين
برفع الأسهم من 10 الى 14 الف مع الدعاية ثم تم سحب البساط
ربنا يجبر بخاطركم
الحل اطلبه من الله
سوي دعاء
سوي دعاء
صبرجميل والله المستعان
ضوابط المشاركة
